Samtak

Laugardagurinn 11.10.2008
DÚDDI GÍSLA var sjósettur í dag um kl 17:30 eftir að við höfðum beðið eftir kranabílnum í ca 3 kl.stundir, með bátinn, kerruna og Dráttarbílinn á bryggjukantinum

.

 Ekki var hægt að amast út af veðri því veðrið var frábært í Hafnarfjarðarhöfninni í dag og áttum við góðar stundir þar, þó við þurftum að horfa á kranabílinn hinum meginn í höfninni sem við biðum eftir, að hífa upp úr höfninni nánast allar Skútur sem í höfninni voru og síðan að sjá að það þurfti að nota Kranabílinn til að taka niður möstur á skútum lika var okkur eiginlega alveg nóg boðið, á biðinni.

En svo kom Kranabíllinn yfir til okkar og við stilltum upp og hífðum og allt gekk eins og á að gera frábær hifing og sjósetning, það er að segja tækninlega.  Allir leiðir á biðinni og einnig allir vanir sjósetningum, þannig að þetta var eiginlega verkefni, ásamt fullt af fólki sem fylgdist með og tók fullt af myndum, þannig að þegar að við hífðum var þetta virkilega gaman fyrir alla.

Hefðum viljað sjósetja kl 2 eins og var gert ráð fyrir og eiga góðu stundirnar á floti en ekki á KANTINUM meirihluta dagsins, en eins og menn segja orðið, er ekki hægt að fá neinn til að gera eitthvað á réttum tíma eða hvað.

En hvað um það hinn nýji DÚDDI GÍSLA  GK - 48 er kominn á flot og flýtur stoltur í Hafnarfjarðarhöfn.

Við óskum feðgunum, áhöfninni og Besa ehf innilega til hamingju með bátinn, glæsilegur og vel búinn bátur sem þið megið vera stolt af.

Sjáið myndir af sjósetningunni í mynda galleryinu okkar.