Skilmálar
Þessir skilmálar lýsa því hvernig vefurinn er rekinn í dag og geta breyst eftir því sem starfsemi félagsins þróast, sbr. samþykktir félagsins (aðgengilegar félagsmönnum á mínum síðum).
Hver rekur þjónustuna
Vefinn samtak.is rekur Samtak svf., samvinnufélag um samfélagslegan rekstur í almannaþágu. Sjá nánar á Um félagið.
Notkun vefsins
Vefurinn miðlar upplýsingum um félagið, tekur við umsóknum um félagsaðild og heldur utan um póstlista. Notkun hans skal vera í samræmi við tilgang félagsins og ekki til þess ætluð að skaða þjónustuna eða aðra notendur hennar.
Ábyrgðartakmörkun
Félagið er rekið án hagnaðarkröfu, að mestu í sjálfboðavinnu. Þjónustan er veitt eins og hún er ("as is"), án ábyrgðar á samfelldri tiltækni eða fullkomnu villuleysi. Félagið ber ekki ábyrgð á tjóni sem hlýst af notkun vefsins umfram það sem lög áskilja.
Persónuvernd
Meðferð persónuupplýsinga er lýst sérstaklega, annars vegar fyrir gesti vefsins og hins vegar fyrir félaga og umsækjendur.
Breytingar og samband
Skilmálunum kann að verða breytt eftir því sem starfsemi félagsins þróast. Fyrirspurnum má beina á samtak@samtak.is.