Þjark

Þjark er sjálfvirkur aðstoðarþjarkur sem svarar spurningum um félagið út frá útgefnum staðreyndum, meðal annars drögum að samþykktum og ákvörðunum sem þegar hafa verið teknar. Ef spurning á sér ekkert svar í þeim gögnum enn þá, til dæmis vegna þess að atriðið er raunverulega óákveðið, á Þjark að segja það hreint út frekar en að giska.

Google Chat rýmið sem Þjark bjó í áður, SamTakaMátt, hefur verið lagt af. Félagaspjall félagsmanna er núna innbyggt á Mínum síðum og Þjark er kominn þangað líka: hann svarar í almennu rásinni sem allir virkir félagar eru sjálfkrafa í, þegar einhver skrifar „@þjark“ fremst í skilaboðum. Svarið er samið af tungumálalíkani (Claude frá Anthropic) og birtist beint í spjallinu.

Þjark er hvorki lögfræðileg né fjárhagsleg ráðgjöf, og félagið er lítið og að mestu rekið í sjálfboðavinnu, svo hér er hvorki þjónustuver né ábyrgst svartími. Ef svar hans er óljóst, eða spurningin er persónuleg, er samtakamatt@gmail.com rétta leiðin.

Skilmálar fyrir notkun Þjarks eru hluti af skilmálum vefsins.